१ पत्रुस 5

5 ओस्तेहेँके हे जवानो, मण्डलीक अगुवनके अधिनमे बैठो। तुहुरे सक्कु जाने नम्रतासे एकदोसर जहनहे सहयोग करे परत। काकरेकी पवित्र शास्त्रमे असिके लिखल बा,

"परमेश्वर घमण्डी मनैनके विरोध करथाँ,

पर नम्र मनैनहे ऊ अनुग्रह करथाँ।"

6 तबेकमारे परमेश्वरके आघे अपनहे नम्र बनाऊ, जे सुरक्षा देहक लग बल्गर बताँ। ताकि ऊ ठिक समयमे तुहुरिन्हे सम्मान दिँत। 7 परमेश्वर तुहुरिन्के वास्ता करथाँ, तबेकमारे अपन सक्कु चिन्ता परमेश्वरहे दैदेऊ।