१ तिमोथी 6

9 पर जेने धनी हुई चहथाँ ओइने सक्कु मेरिक पाप करक लग महा सहजिलसे परीक्षामे परजिथाँ। और एकथो जनावरके हस असिन फन्दामे फँसजिथाँ। और उ चिज करे चहथाँ जोन चिज ओइन्के लग मूर्खता भरल और खतरनाक बतिन। और असिन इच्छा ओइन्हे बर्बादी ओहोँर लैजिथिन, और ओइन्हे नाश करदेथिन। 10 काकरेकी रुपिया-पैँसक लालच सक्कु मेरके खराबीक जर हो। बहुत्ते मनै धिरे-धिरे ख्रीष्टके बारेमे रहल शिक्षामे विश्वास करना बन्द करदेले बताँ। काकरेकी ओइने रुपिया-पैँसक धेउर लालच करिँत। और आब अपनहे अप्निहीँ कौनो एकथो हँथियारलेके गोझल हस ओइने बहुत मेरिक दुःखमे परल बताँ।