१ थेसलोनिकी 4

16 काकरेकी प्रभु येशू ख्रीष्ट अप्निहीँ स्वर्गमेसे उत्रिहीँ। उ समयमे येशू बरवार आवाजमे आदेश दिहीँ, और प्रधान स्वर्गदूत जोरसे बोली, और परमेश्वरके तुरही फुँकजाजाई। और पहिले ओइने जित्ती होके उठ्हीँ, जोन विश्वासीन मुसेकल बताँ।

17 तब् हम्रे जेने जित्ती और बँचल रबी, हम्रे फेन ओइन्के संग बद्रीमे उठाजिबी। और हमार भेँटा आकाशमे प्रभु येशूसे हुई, और उ समयसे सदादिन हम्रे प्रभुक संग रबी।