१ थेसलोनिकी 5

4 पर हे मोरिक विश्वासी भैयो, तुहुरे ते अंधारमे नै हुइतो, कि प्रभुक अइना दिन चोरवा आई हस तुहुरिन्के बिना तयार हुइले आजाए। 5 काकरेकी तुहुरे सक्कु जाने ओजरारके सन्तान और दिनके सन्तान हुइतो और रातसे और अंधारसे हमार कौनो सम्बन्ध नै हो। 6 तबेकमारे हम्रिहिन्हे अविश्वासीनके हस सुत्ले रहे नै परत। असिन ना होए कि प्रभुक अइना दिन हम्रे बिना तयारीक भेटाजाई। पर हम्रिहिन्हे जागल पलिरहे परत, और अप्निहीँ सचेत हुई परत। 7 काकरेकी जेने सुत्थाँ ओइने रातके सुत्थाँ। और जेने मदुवा रथाँ ओइने रातेके मतवार हुइथाँ। 8 काकरेकी हम्रे दिनके सन्तान हुइती, तबेकमारे हम्रे अपनहे नियन्त्रण करे परत। विश्वास और प्रेमहे घाललेऊ, जेने ओस्तेहेँके हमार रक्षा करथाँ जसिके एकथो कवच सैनीकके रक्षा करत। और हम्रिहिन्हे यी आशा बा कि हम्रे सदाकालके दण्डसे बँचगिल बती, और हम्रिहिन्हे मुक्ति मिलगिल बा। और यी आशा उ खोप्रिहीक हस हो, जोन सैनीकहे रक्षा करत। 9 काकरेकी परमेश्वर हम्रिहिन्हे यी कारणसे नै चुन्लाँ कि ऊ अपन क्रोधसे हम्रिहिन्हे दण्ड दिँत। पर हम्रे अपन प्रभु येशू ख्रीष्टसे मुक्ति भेटाइक लग ठहरागिल बती।