विश्वासी सेबक
14 पर परमेश्वरहे धन्यवाद होए, ख्रीष्टके संग रलक हमार एकतक कारण ऊ हरदम अपन संग हमार अगुवाई करथाँ, और हम्रिहिन्हे जित देहवैथाँ। और आब ऊ मीठ बास अइना अत्तर हस हरेक ठाउँमे ख्रीष्टके ज्ञान फैलाइक लग हम्रिहिन्हे प्रयोग करथाँ। 15 हम्रे परमेश्वरके लग ख्रीष्टसे बारल धूप हस बती। हमार प्रचार कर्लक समाचार एकथो मीठ बास हस बा, जोन सक्कु मनैनके थेन फैलता अथवा उ मनैनकेमे जेने बँचागिल बताँ, और जेने नै बँचागिल हुइँत। 16 जेने नाश हुइतताँ, ओइन्के लग यी एकथो ओइन्हे मुवैना दुर्गन्ध हुइतिन। पर जेने बँचाजाइतताँ, ओइन्के लग यी एकथो जीवन देना सुगन्ध हो। और पक्कै फेन यी काम करना लायकके केऊ फेन नै हो। 17 काकरेकी हम्रे उ बहुत्ते मनैनके हस नै हुइती, जेने पैँसक लग परमेश्वरके वचन प्रचार करथाँ। पर हम्रे परमेश्वरके वचन सच्चाई और ख्रीष्टके अधिकारसे प्रचार कर्थी, यी जानके कि परमेश्वर हम्रिहिन्हे हेरतताँ।