२ कोरिन्थी 5

17 तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा। 18 यी सक्कु परमेश्वरके ओहोँरसे हुइलक हो, परमेश्वर ख्रीष्टहे अपन और हमार बिच्चेम मिलाप कराइक लग पठैलाँ। और ऊ हम्रिहिन्हे अपन और मनैनके बिच्चेम मिलापके सेवा देले बताँ। 19 अथवा ख्रीष्टके कर्लक सक्कु कामके माध्यमसे परमेश्वर सक्कु मनैनहे मिलापमे नानक लग एकथो डगर बनाइतिहिँत। और परमेश्वर मनैनके पापके हिसाब नै लेके शान्तिक बारेमे ऊ अपन सन्देश प्रचार करक लग हम्रिहिन्हे जिम्मा लगादेले बताँ। 20 तबेकमारे हम्रे ख्रीष्टके राजदूत हुइती, और परमेश्वर मनैनहे हमार माध्यमसे हुँकार सन्देश स्वीकार करक लग अनुरोध करथाँ। ख्रीष्टेके ओहोँरसे हम्रे तुहुरिन्हे अनुरोध करती कि तुहुरे परमेश्वरके संग मिलाप करलेऊ। 21 ख्रीष्टमे कौनो पाप नै रहिन, और हुँकिनेहे परमेश्वर हमार पापके लग दान करदेलिन। तबेकमारे हम्रे परमेश्वरके नजरमे धर्मी बने सेकी कहिके ख्रीष्ट हमार पापके दण्ड अपन उप्पर लैलेलाँ।