२ कोरिन्थी 5

18 यी सक्कु परमेश्वरके ओहोँरसे हुइलक हो, परमेश्वर ख्रीष्टहे अपन और हमार बिच्चेम मिलाप कराइक लग पठैलाँ। और ऊ हम्रिहिन्हे अपन और मनैनके बिच्चेम मिलापके सेवा देले बताँ। 19 अथवा ख्रीष्टके कर्लक सक्कु कामके माध्यमसे परमेश्वर सक्कु मनैनहे मिलापमे नानक लग एकथो डगर बनाइतिहिँत। और परमेश्वर मनैनके पापके हिसाब नै लेके शान्तिक बारेमे ऊ अपन सन्देश प्रचार करक लग हम्रिहिन्हे जिम्मा लगादेले बताँ।