२ तिमोथी 1

विश्वासयोग्य पलिरना प्रोत्साहन

3 जबफेन मै परमेश्वरसे प्राथना करथुँ, तब हरदम मै तोहाँर नाउँ लेके तोहाँरिक लग प्राथना करथुँ, और तोहाँर लग परमेश्वरहे धन्यवाद देथुँ। यी वहे परमेश्वर हुइँत, जेकर आराधना शुद्ध विवेकसे मै और मोरिक पुर्खन कर्ली। 4 जब मै तुहिन्हे छोरके दूर जाइतुहुँ, तब तुँ कतरा रुइल रहो कहिके महिन्हे याद पलि बा। मै तुहिन्हे भेँटा करे चहथुँ। काकरेकी जब हम्रे भेँटा हुइबी, तब महिन्हे बहुत खुशी लागी। 5 तोहाँरिक दाई युनिसके येशू ख्रीष्टमे रहल सच्चा विश्वासके बारेम महिन्हे याद बा। तोहाँर नानी लोइसकेमे फेन ओस्तेहेँ विश्वास रहिन, और महिन्हे विश्वास बा कि तोहाँर थेन फेन ओस्तेहेँ विश्वास बा।