7 जसिके एकथो सिपाही युद्धमे कबु लरना नै छोरत, ओस्तेहेँके मै फेन ख्रीष्टके लग मेहनत करना नै छोर्नु। जोन काम ख्रीष्ट महिन्हे करक लग देले रहिँत, उ कामहे मै पूरा करदेले बतुँ। मै अन्तिम समयसम विश्वासयोग्य पलिरनु। 8 आब परमेश्वर स्वर्गमे मोरिक लग एकथो ईनाम धर्ले बताँ। काकरेकी मै असिन जीवन जिअल बतुँ, जसिन जीवन हुँकिन्हे मन पर्थिन। मै अपन जीवन धार्मिकतासे जिअल बतुँ। जोन दिन ऊ फिर्ता अइहीँ, वहे दिन उ ईनाम महिन्हे परमेश्वर दिहीँ, जे धर्मी न्यायधीश हुइँत। पर ऊ महिन्हे किल ईनाम नै दिहीँ, पर उ सक्कुहुनहे दिहीँ, जेने हुँकार फिर्ता अइना असरा हेरतताँ।