कलस्सी 2

18,19 ऊ शरीरके मुन्टा हुइँत, यी हुँकार माध्यमसे हुइत कि शरीरके सक्कु अंगक रेखदेख हुइत, और ओइन्हे एक्के संग धारजाइत। तबेकमारे यी ओसिके बह्रत, जसिके परमेश्वर चहथाँ कि यी बह्रे। हौश्यार रहो, कि केऊ फेन तुहुरिन्हे बेज्जत करके और स्वर्गदूतके आराधना करके तुहुरिन्हे अयोग्य ना ठहराए। असिन मनै उ बातके बारेमे बहुत गहिँराइमे जैथाँ, जोन बात ओइने देख्थाँ। और यी ओइन्के मानवीय सोँचके कारण ओइन्हे मूर्खता भरल घमण्डसे भर देथिन। ओइने ख्रीष्टहे छोरदेले बताँ।