19 तुहुरे गैर-यहूदिनके परदेशी और प्रवासी नै रहिगिलो। पर तुहुरे परमेश्वरके पवित्र मनैनके संगसंगे नागरिक फेन हुइतो। और तुहुरे परमेश्वरके परिवारके सदस्य हुइतो। 20 तुहुरे निउतरह्यनके और परमेश्वरके अगमवक्तनके जगके उप्पर बैठागिलक घर हस हुइतो। जेकर सक्कुहुनसे खास पठरा वहे ख्रीष्ट येशू हुइँत, 21 जोन ख्रीष्ट घरहे एक्के संग जोरके धर्ले रथाँ। परमेश्वरके लग ऊ एकथो मन्दिर बनक लग अपन सक्कु मनैनहे पठरा जोरे हस एक्के संग जोरतताँ। 22 हे गैर-यहूदी विश्वासीन, तुहुरे ख्रीष्टके संग एकजुट बतो। तबेकमारे तुहुरिन्हे फेन परमेश्वरके औरे मनैनके संग जोरजाइता। ताकि तुहुरे एकथो असिन घर बनजाऊ, जहाँ परमेश्वरके आत्मा रथिन।