15 बेन प्रेमसे सच्चा बोलके हम्रे हर बातमे वहे ख्रीष्टके हस पक्का होजाई, जे मण्डलीक कपार हुइँत। 16 जे-जे ख्रीष्टहे विश्वास कर्थी हम्रे सक्कु जाने हुँकार शरीरके अंग हस हुइती। जसिके कौनो एकथो मनैयक शरीर ओकर सारा गाँठी-गाँठीसे जोँटल रथिस। और जब शरीरके हरेक अंग ठिक तरिकासे काम करत। तब शरीर बह्रत, और बल्गर हुइत। ओस्तेहेँके हमारमेसे सक्कु जाने हम्रिहिन्हे ख्रीष्टके देलक काम ठिक तरिकासे करब कलेसे हम्रे बल्गर और पक्का होजिबी। और एकदोसर जहनहे आकुर धेउर प्रेम करब।