3 येशूए परमेश्वरके महिमक प्रतिबिम्ब और परमेश्वरेके स्वभावके वास्तविक प्रतिरूप हुइताँ, और पूरा विश्वहे अपन शक्तिशाली वचनसे सम्हरथाँ। जब ऊ मनैनके पापहे माफी करे सेकजाए कहिके अपन काम ओरवैलाँ। तबजाके ऊ महिमित परमेश्वरके दाहिन पाँजर उच्च आदरके ठाउँमे बैठ्गिलाँ।

4 तबेकमारे परमेश्वर अपन छावाहे स्वर्गदूतनसे फेन बरवार नाउँ देलाँ, जिहिसे हम्रे जाने सेक्थी कि परमेश्वरके छावा स्वर्गदूतनसे भारी हुइँत।