1 मोशक नियम कानुनमे रहल पुरान नियम अइना मजा चिजके छाहीँ किल हो। ख्रीष्ट हमार लग कर्लक मजा बातके वास्तविकता नै हो। पुरान नियममे बलि घनीघनी और सालोसाल चह्राई परिन। पर ओइने परमेश्वरके आराधना करे अउइया मनैनहे पूरा रुपमे शुद्ध पारे नै सेकिँत। 2 यदि मोशक नियम कानुन ओइन्हे सिद्ध बनाई सेकत कलेसे बलि चह्रैना काम पैलेहेँ रोकजैना रहे। परमेश्वरके आराधना करुइया मनै अपन पापमेसे जात्तिके शुद्ध होजिताँ। और ओइने पापके दोषी रलक महसुस नै करताँ। 3,4 पर सच्चा बात यी हो कि ओइन्हे चह्रैलक उ बलि हरेक साल ओइन्हे पापके दोषी रलक याद करवैथिन। काकरेकी जानबर बर्धा और बोकनके खुन पाप कर्लक मनैनके दोषहे मेटाई नै सेकत।