हिब्रू 6

4 जे अपन विश्वास छोरत, ओइन्हे फेनदोस्रे पश्चात्ताप करना अवस्थामे नाने नै सेकजाइत। ओइने एकचो परमेश्वरके सच्चाइहे चिहिन्लाँ, और स्वर्गमेसे वरदान भेटैलाँ। और ओइने दोसुर जहनके संग पवित्र आत्मा भेटासेकल बताँ। 5 ओइने परमेश्वरके थेनसे अइलक सन्देश मजा बा कहिके और ओइने भविष्यमे अइना समयक शक्तिक अनुभव करल रहिँत। 6 ओइन्हे फेनदोस्रे फिर्ता नन्ना कौनो तरिका नै हो। काकरेकी ओइने अप्निहीँ परमेश्वरके छावाहे फेनदोस्रे क्रूसमे टंग्था और हुँकार लाज करथाँ। और दोसुर मनै ख्रीष्टहे बेकार हो कहिके सोँच्थाँ।