लूका 6

रुख्वा और ओकर फारा

43 "कौनो मजा रुख्वा खराब फारा नै फराइत, ना ते खराब रुख्वा मजा फारा फराइत। 44 प्रत्येक रुख्वा ओकर फारासे फेन चिहिन्जाइत। काकरेकी काँटक झर्कत्तीमेसे केऊ फेन अञ्जीर नै टुरत, ना ते ऐँसेलुक झर्कत्तीमेसे अंगुर टुरत। 45 एकथो मजा मनैया अपन मनमे रहल मजा चिजसे मजै बात निकारत। पर एकथो खराब मनैया अपन मनमे रहल खराब चिजसे खराबे बात निकारत। काकरेकी जोन बातसे मन भरल रहत मनैयक मुहेँमेसे वहे निकरत।"