मर्कूस 13

येशूक धर्तीमे फिर्ता अइना

24 "उ दिनमे डरलग्तिक संकटके समय ओराके सेकी ते सूर्य और जोन्ह्याँ ओजरार देहे छोरदिहीँ। 25 तोरैँ आकाशमेसे गिरजिहीँ, और आकाशके सक्कु शक्ति यहोँरओहोँर डगमगाजिहीँ। 26 तब् मै, मनैयक छावा बद्रीसे घेरल देखा परम। मै अपन स्वर्गीय शक्ति और चहकार महिमा देखैम। 27 तब् मै, मनैयक छावा अपन स्वर्गदूतनहे पठैम, और ओइने ओइन्हे जमा करहीँ, जेनहे मै चुनल बतुँ। ओइने ओइन्हे हरेक ठाउँसे जमा करके पृथ्वीक हरेक भागमेसे लेके अइहीँ।"