22 तब् खाना खाइबेर येशू रोटी लेलाँ, और धन्यवादके प्राथना करके रोटीहे खन्टैलाँ। तब चेलनहे देलाँ और कलाँ, "लेऊ और यी खालेऊ, यी मोरिक शरीर हो!" 23 तब् येशू अंगुरके रससे भरल खोरिया लेलाँ, और परमेश्वरहे धन्यवाद देलाँ। तब् चेलनहे देलाँ और ओइने ओम्नेमेसे पिलाँ। 24 तब् येशू ओइन्हे कलाँ, "यी अंगुरके रस मोरिक खुन हो। मोरिक खुन बलिदानके रुपमे बहुत्ते मनैनके लग बहाजाई। यी उ लावा करारहे पूरा करी, जोन परमेश्वर अपन मनैनसे बहन्हीँ। 25 जात्तिके, मै तुहुरिन्हे कहतुँ, परमेश्वरके राजमे मै लावा अंगुरके रस नै पिअतसम मै यी अंगुरके रस नै पिअम।"