मत्ती 10:26-31

26 "तबेकमारे ओइन्से जिन डराऊ, जेने तुहुरिन्हे धम्कैथाँ। काकरेकी परमेश्वर उ सक्कु चिजनहे खुलस्त करहीँ, जोन अभिनसम मनै नै जन्थाँ। और उ सक्कु चिजहे आघे नन्हीँ, जोन अभिनसम नुकल बा। 27 ज्या मै तुहुरिन्हे अंधारमे कथुँ, उ तुहुरे ओजरारमे कहिदेऊ, और ज्या मै तुहुरिन्के कानमे बतैम, उ घरक बरेरीमेसे प्रचार करो। 28 ओइन्से जिन डराऊ, जेने शरीरहे मुवैथाँ, पर आत्माहे मुवाई नै सेक्थाँ। बेन आत्मा और शरीर दुन्हुनहे नरकमे नाश करे सेकुइया परमेश्वरसे डराऊ। 29 का एक पैँसा*10:29 एक पैँसा यी एक दिनके देहारीक (दीनारके) सोलथो भागके एक भाग हो। यी बहुत कम दाम हो।मे दुईथो गेउँरी नै बिक्थाँ? तभुन फेन यदि ओइन्मेसे एकथो फेन भुइयाँमे गिरी कलेसे तुहुरिन्के बाबा जानत। 30 परमेश्वर तुहुरिन्के जीवनके हर चिजके वास्ता करथाँ। ऊ यी फेन जन्थाँ कि तुहुरिन्के कपारीम कैथो भुट्ला बा। 31 तबेकमारे तुहुरे ना डराऊ, तुहुरे बहुत्ते गेँउरीनसे धेउर किम्ती बतो।"