Mateus 13

3 येशू उ मनैनहे बहुत्ते चिज दृष्टान्तमे बतैलाँ, और कलाँ, "एकथो किसान अपन खेट्वामे कौनो बिया बुई निक्रल। 4 जब किसान बिया बुइतेहे, ओम्नेमेसे कौनो बिया डग्रिम गिरगिलाँ, और उ बियाहे चिरैँ खादेलाँ। 5 कौनो बिया पठराहा जमिनमे परलाँ, जहाँ धेउर माटी नै रहे। यी झत्तेहेँ जामगिलाँ, काकरेकी यम्ने माटी धेउर गहिँर नै रहे। 6 पर यी बोँट दिनके धेउर घामके कारण कुल्मुलागिल, और गहिँर जर नै हुइलक कारणसे यी सुखाके मुगिल। 7 कौनो आकुर बिया असिन ठाउँमे परल, जहाँ झर्कत्ती जामल रहे। और उ झर्कत्ती बोँटहे दाबदेहल। 8 आकुर बिया मल्गर जमिनमे परलाँ। और ओइने कौनो सौ, कौनो साठी और कौनो तीस गुणा फारा फरैलाँ। 9 यदि तुहुरे बुझे चहथो कलेसे, यी बातमे ध्यान देऊ कि मै अब्बे तुहुरिन्से का कनु।"