स्वर्गक राजमे सक्कुहुनसे भारी
1 वहे समयमे चेलनके येशूक थेन आके पुँछ्लाँ, "स्वर्गक राजमे सक्कुहुनसे भारी के हो?" 2 येशू एकथो छुटिमुती लौँदाहे लग्गे बलाके ओइन्के बिच्चेम ठरह्वैलाँ। 3 और कलाँ, "जात्तिके, मै तुहुरिन्हे कहतुँ, मन बदलके तुहुरे छुटी लरका हस नै हुइबो कलेसे कबु स्वर्गक राजमे नै पैँठ्बो। 4 जे यी छुटी लौँदा हस अपनहे नम्र बनाई, वहे स्वर्गक राजमे सक्कुहुनसे भारी हुई। 5 जे मोरिक नाउँमे एकथो असिन लौँदाहे स्वीकार करी, उ महिन्हे स्वीकार करत।"
10 येशू कलाँ, "हौश्यार रहो, तुहुरे यी छुटिमेसे एक जहनहे फेन हेल्हा ना करो। काकरेकी मै तुहुरिन्हे कहतुँ, लर्कनके रेखदेख करुइया स्वर्गदूतनके हर समय स्वर्गमे मोरिक बाबक संग रथाँ।