मत्ती 18

अपराध करुइया भैया

15 येशू कलाँ, "यदि तोहाँर विश्वासी दादू या भैया तोहाँरिक विरोधमे पाप करी कलेसे, जाके तुहुरे दुईजाने किल रहलमे ओकर दोष देखादेऊ। ऊ तोहाँर बात सुनी और अपन मन बदलके पाप करना छोरदी कलेसे तुँ अपन दादू या भैयाहे फेनदोस्रे विश्वासमे शामिल करालेलो कहिके मानलेऊ। 16 पर ऊ तोहाँर बात नै सुनी कलेसे अपन संगे आकुर एक या दुई जहनहे लैजाके समझाऊ। काकरेकी मोशक नियम कानुन अनुसार कौनो फेन फैसलक बात पक्का करक लग दुई या तीनथो साँखी हुई परत।