10 जब येशू यरुशलेम शहरमे पैँठ्लाँ, सारा नगरमे हलचल मचगिलस। मनै पुँछे लग्लाँ, "यी के हुइँत?" 11 भीड़के मनै जवाफ देलाँ, "यी गालील प्रदेशके नासरतमेसे अइलक परमेश्वरके अगमवक्ता, येशू हुइँत।"
मन्दिरमे येशू
(मर्कू. ११:१५-१९; लूक. १९:४५-४८; यूह. २:१३-२२)
12 येशू परमेश्वरके मन्दिरमे गैलाँ। तब् ऊ मन्दिरमे किनबेँच करुइया सक्कुहुनहे खदेरदेलाँ। और पैँसा सँतुइयनके अड्डा और परेउना बेँचुइयनके बैठ्ना बिल्टादेलाँ। 13 ऊ ओइन्हे कलाँ, "पवित्र शास्त्रमे असिके लिखल बा, ‘मोरिक घर प्राथनक भवन कहलाजाई।’ पर तुहुरे यिहिहे डाँकनके अड्डा बनाइल बतो।"