मत्ती 22

17 तबेकमारे हम्रिहिन्हे बताई, महाराजाहे कर तिरना उचित बा, कि नै हो?" 18 पर येशू ओइन्के दुष्टता पता पाके कलाँ, "हे कपटीन, तुहुरे महिन्हे काकरे जँच्थो? 19 कर तिरना सिक्का महिन्हे देखाऊ।" तब् ओइने हुँकार थेन एकथो सिक्का नन्लाँ। 20 ऊ ओइन्हे कलाँ, "यम्ने केकर फोँतु और नाउँ बा?" 21 ओइने हुँकिन्हे जवाफ देलाँ, "महाराजक।" तब् ऊ ओइन्हे कलाँ, "जोन महाराजक हो, उ महाराजाहे देऊ, और जोन परमेश्वरके हो, उ परमेश्वरहे देऊ।"