23 हे कपटी यहूदी कानुनके गुरु और फरिसी दलके मनै, परमेश्वर तुहुरिन्हे दण्ड दिहीँ! काकरेकी तुहुरे पुदैना, सोँप और जीरक दशांश देथो। पर न्याय, दया और विश्वास योग्यता जसिन मोशक नियम कानुनके गम्भीर विषयके वास्तै नै करथो। तुहुरे दशांश देहे परत, पर यकर संगसंगे यी महत्त्वपूर्ण बातहे फेन वास्ता करे परत। 24 ए आँधर अगुवन! तुहुरे कम महत्त्वपूर्ण छुटीछुटी नियम भर महा ध्यान लगाके पालन करथो, जसिके कुछु पिना चिजसे माछीहे दूरे रखैथो। पर खास आज्ञाहे भर तुहुरे नै मन्थो, जोन ऊँटवाहे लिले हस हो।
Publicidade