मत्ती 23:25,26

25 हे कपटी यहूदी कानुनके गुरु और फरिसी दलके मनै, परमेश्वर तुहुरिन्हे दण्ड दिहीँ! काकरेकी तुहुरे असिन भाँरा जसिन हुइतो, जोन बाहेरसे भर घोत्तैल बिल्गाइत, और भित्तर भर फुहर पलिरहत। अस्तेके तुहुरे दोसुर जहनके आघे भर अपनहे धर्मी देखाइक खोज्थो, पर मनमे भर लालच और स्वार्थसे भरल रथो। 26 हे आँधर फरिसी दलके मनै, परमेश्वर तुहुरिन्हे दण्ड दिहीँ! आघे भाँरक भित्तर पाँजर घोत्तैल बनाऊ, और ओकर बाहेर पाँजर फेन घोत्तैल रहे।