मत्ती 24

सचेत रना

36 येशू कलाँ, "यी बात कोन दिन और कब हुई कहिके केऊ फेन नै जानत, ना ते स्वर्गदूतनके, और ना ते मै छावा। पर बाबाहे किल उ दिन और उ समय पता बतिस। 37 जब मै, मनैयक छावा अइम, तब असिन हुई जसिके नोअक समयमे हुइल रहे। 38 काकरेकी जसिके जलप्रलयसे आघे नोआ जहाजमे पैँठ्ना दिनसम, मनै खाइतिहिँत, पिअतिहिँत और भोजव्यहा करतिहिँत। 39 तब् जलप्रलय आके ओइन् सक्कुहुनहे स्वात्तै नै पुहाइतसम ओइने पतै नै पैलाँ। मै, मनैयक छावक आगमन फेन ओस्तेके हुई।