यहूदा अपनहे फाँसी लगैलक
3 तब् हुँकिन्हे पक्रा देहुइया यहूदाहे पता चल्लिस कि येशूहे मुवैना दण्डक आज्ञा हुइल बतिन। तब ऊ पस्ताइल और मुख्य पुजारीनहे और यहूदी दलके नेतनहे चाँदीक तीसथो सिक्का फिर्ता करे आइल, 4 और कहल, "मै निर्दोष मनैयाहे मुवाइक लग धोखा देहल बतुँ।" पर ओइने कलाँ, "तैँ ज्या कर, हम्रिहिन्हे ओकर कौनो मतलब नै हो? तैँ अप्निहीँ जान।" 5 तब् चाँदीक ऊ तीसथो सिक्का मन्दिरके अंग्नामे27:5 मन्दिरके अंग्नामे काकरेकी मन्दिरके भित्तर जैना सक्कुहुनहे अनुमति नै रहे। फेँकाके चलगिलस, और मन्दिरके बाहेर जाके ऊ अपनहे फाँसी लगाके मुगिलस। 6 पर मुख्य पुजारीनके चाँदीक उ सिक्का लेके कलाँ, "मन्दिरके धनके कोषमे यी धरना ठिक नै हो, काकरेकी यी किहुहे मुवैना खुनके मोल हो।" 7 ओइने आपसमे सल्लाहा करके उ पैँसालेके परदेशीनके लाशहे माटी देहक लग कुम्हाँरके जग्गा किन्लाँ।