मत्ती 8

2 एकथो कोढ़ रोग लागल मनैया येशूक थेन आइल। और हुँकार आघे ठेहुनी टेकके बिन्ती करे लागल, "हे प्रभु, यदि अप्नि चहबी कलेसे महिन्हे कोढ़ रोगसे चोख्वाई सेक्बी।" 3 येशू अपन हाँथ पसारके उहिहे छुलाँ और कलाँ, "मै चहथुँ कि, तुँ चोखाजाऊ।" जुरतेहेँ ओकर कोढ़ चोखागिलिस। 4 तब् येशू उहिहे कलाँ, "यकर बारेम किहु नै बतैहो। पर जाऊ और अपनहे पुजारीक थेन देखाऊ कि तुँ चोखागिलो। तब् जसिके परमेश्वरके अगमवक्ता मोशा आज्ञा देहल बा, ओस्तेके मन्दिरमे दान चह्राऊ। तब् सक्कु जाने जन्हीँ कि तुँ कोढ़ रोगसे चोखागिल बतो।"