याकूब 1

परमेश्वर केक्रो परीक्षा नै करथाँ

12 उ मनैया धन्यके हो, जे परीक्षक समयमे ईमानदार साबित हुइत। काकरेकी उहिहे सदाकालके जीवनके मुकुट मिल्हिस। जोन मुकुटके वाचा परमेश्वर उ सक्कु मनैनके लग कर्ले बताँ, जेने परमेश्वरहे प्रेम करथाँ। 13 जब केक्रो परीक्षा हुई, तब ऊ असिके ना कहे कि मोरिक परीक्षा परमेश्वर करतताँ। काकरेकी परमेश्वरहे कबु फेन खराब काम करक लग परीक्षामे दारे नै सेकजाइत। और ना ते परमेश्वर कबु फेन केक्रो परीक्षा करथाँ। 14 पर मनै अपने खराब इच्छक कारण खराब काम करना चहथाँ। तबेकमारे ओइने परीक्षामे परजिथाँ। 15 ओकरपाछे जब ओइने पाप करना योजना बनैथाँ, तब् ओइने पाप करथाँ। और यदि ओइने पाप कर्ती रहिहीँ कलेसे अन्त्यमे ओइने सदामानके लग मुजिहीँ।