5 पर यदि तुहुरिन्मेसे किहुहे बुद्धिक कमि बा कलेसे परमेश्वरसे माँगो, और ऊ तुहुरिन्हे बिना झर्कले दिहीँ। काकरेकी परमेश्वर प्रशस्त रुपमे उ सक्कुहुनहे देथिन, जेने बुद्धि मंग्था। 6 पर जब तुहुरे हुँकिन्से मंग्बो ते विश्वाससे माँगो, और कुछु शंखा ना करो। काकरेकी जे शंखा करत, ऊ समुन्दरके छल्का हस हो, जोन जबफेन बदल्ती रहत। 7 असिन मनैया यी आशा बिर्कुले ना करे कि प्रभुक ओहोँरसे उहिहे कुछु मिल्हिस। 8 काकरेकी ऊ अपन मन बदल्ती रहत, और मनै ओकर भर नै परथाँ।