याकूब 4

परमेश्वरमे समर्पण

1 तुहुरिन्के बिच्चेम लड़ाई और झगरा कहाँसे अइथाँ? यने उ खराब इच्छामेसे अइथाँ जोन तुहुरिन्के भित्तर लरथाँ। 2 तुहुरे इच्छा ते करथो, पर तुहुरे नै भेटैथो; तबेकमारे तुहुरे हत्या करक लग तयार बतो। और तुहुरे लालच करथो, पर तुहुरे कुछु नै भेटैथो। तुहुरे झगरा खेल्थो और लर्थो। पर तुहुरिन्हे यी सक्कु चिज यहे कारणसे नै मिलत। काकरेकी यी चिज तुहुरे परमेश्वरसे नै मंग्थो।