Tito 2

11 विश्वासीनहे असिके सिखाऊ, काकरेकी परमेश्वर सक्कु मनैनहे अनुग्रह करके पापमेसे बँच्ना डगर देखैले बताँ। 12 अपन कृपासे परमेश्वर हम्रिहिन्हे सिखैथाँ कि हम्रे असिन व्यवहार ना देखाई, जोन व्यवहार परमेश्वरहे खुशी नै बनाइत। और जोन चिजहे भेटैना अविश्वासीनके इच्छा रथिन, ओसिन चिजके इच्छा हमारमे नै रहे परत। और हम्रे संसारमे बती कलेसे समझदारी और धार्मिकतासे परमेश्वरहे खुशी बनैना व्यवहार देखाई परत। 13 हम्रे उ दिनहे अँस्याइती, जोन दिनके हम्रिहिन्हे आशा बा; उ दिन जब येशू ख्रीष्ट, जे हमार महान परमेश्वर और हमार मुक्तिदाता हुइँत, अपन सारा महिमक संग ऊ फिर्ता अइहीँ। तबेकमारे हम्रे असिन व्यवहार देखैथी। 14 यी येशू ख्रीष्ट अपनहे हमार लग बलिदान करदेलाँ, ताकि हम्रे सारा पापके शक्तिसे स्वतन्त्र हुई सेकी। और हम्रे नैतिक रुपसे शुद्ध हुई सेकी। और हम्रे मजा काम करक लग पूरा रुपमे समर्पित हुइल हुँकार अपन खास मनै बने सेकी।