4 पर तभुन फेन हमार मुक्तिदाता परमेश्वर हमारमे अपन दया और प्रेम देखैलाँ। 5 ऊ हम्रिहिन्हे पापके दण्डसे बँचैलाँ, ऊ हमार अपने धार्मिक कामके कारण असिके नै करलाँ। पर ऊ हमारमे दया कर्लक कारण ऊ हम्रिहिन्हे पवित्र आत्मा देके हम्रिहिन्हे बँचालेलाँ। ऊ हमार पापहे धुइलाँ और हम्रिहिन्हे एकथो लावा जीवन जिअक लग और लावा तरिकासे व्यवहार करक लग हम्रिहिन्हे एकथो तरिका देलाँ। 6 परमेश्वर हम्रिहिन्हे प्रशस्त मात्रामे पवित्र आत्मा देले बताँ, ताकि उ पवित्र आत्मा हमार भित्तर शक्तिशाली रुपमे काम करे। काकरेकी येशू ख्रीष्ट हमार पापके लग मुलाँ ताकि ऊ हमार मुक्तिदाता बने सेकिँत। 7 ताकि हम्रे उ सदाकालके जीवन भेटैना आशा करे सेकी, जोन जीवन परमेश्वर हम्रिहिन्हे देना वाचा कर्ले बताँ। काकरेकी हम्रे हुँकार सन्तान हुइती। और हम्रे यी विषयमे पक्का हुई सेक्थी, काकरेकी परमेश्वर अपन अनुग्रहसे हम्रिहिन्हे अपन संग सही ठहरैले बताँ।