Kiitetteeddawanttu Oosuwaa 5:1-4,8,9

Em outras traduções

1. DFBLVL Geeshsha Mas'aafaa

   1 Itti Hanaaniyaa geetettiyaa bitanii bare machchatti Sap’p’iirinna gadiyaa zal"eedda. 2 He zal"eedda miishshaappe bare machchata erishshin ashshiide, attowaa Yesuusi kiitteeddawanttoo immeedda.

   3 Shin P’es’iroosi Hanaaniyaa, «Neeni Geeshsha Ayaanaa c’immaade ne gadiyaa zal"eedda miishshaappe shaakka ashshana mala, s’alahii ne wozanaan ayaw geleeddee? 4 Neeni zal"anaappe kase gadii newaa gidennee? K’ay neeni zal"a simminakka miishshay neessa gidennee? Yaatina, hawaa malabaa ootsanaw ayaw ne wozanaan k’oppaaddii? Neeni S’oossaw worddotowaappe attin, asaw worddotabeykka» yaageedda.

   8 P’es’iroosi izo, «Hinttenttu gadiyaa hanni keena miishshaan zal"eedditee? Ane taw oda» yaageedda.

   Iza, «Ee hanni keena miishshaan zal"eeddo» yaagaaddu.

   9 P’es’iroosi mishiratto, «Neeninne ne asinay Godaa Ayaanaa paac’c’anaw ayaw zoretteedditee? Be’a; ne asinaa moogeedda asatuu karen de’iino; ne anhaakka unttunttu kare kessana» yaageedda.

2. DFBE Gesha Matsafa

   1 እት ሀናንያ ጌተትያ ብታኒ ባረ ማቻት ሳጲርና ጋድያ ዛልኤዳ። 2 ሄ ዛልኤዳ ሚሻፐ ባረ ማቻታ ኤርሽን አሺደ፥ አቶዋ የሱስ ኪቴዳዋንቶ እሜዳ።

   3 ሽን ጰጽሮስ ሀናንያ፥ "ኔን ጌሻ አያና ጭማደ ነ ጋድያ ዛልኤዳ ሚሻፐ ሻካ አሻና ማላ፥ ጻላሂ ነ ዎዛናን አያዉ ገሌዴ? 4 ኔን ዛልአናፐ ካሰ ጋዲ ነዋ ግደኔ? ቃይ ኔን ዛልአ ስምናካ ሚሻይ ኔሳ ግደኔ? ያትና፥ ሀዋ ማላባ ኦናዉ አያዉ ነ ዎዛናን ቆፓዲ? ኔን ጾሳዉ ዎርዶቶዋፐ አትን፥ አሳዉ ዎርዶታበይካ" ያጌዳ።

   8 ጰጽሮስ እዞ፥ "ህንተንቱ ጋድያ ሀን ኬና ሚሻን ዛልኤድቴ? አነ ታዉ ኦዳ" ያጌዳ።

   እዛ፥ "ኤ ሀን ኬና ሚሻን ዛልኤዶ" ያጋዱ።

   9 ጰጽሮስ ምሽራቶ፥ "ኔንነ ነ አስናይ ጎዳ አያና ፓጫናዉ አያዉ ዞረቴድቴ? በአ፤ ነ አስና ሞጌዳ አሳቱ ካረን ደኢኖ፤ ነ አሃካ ኡንቱንቱ ካረ ከሳና" ያጌዳ።