16 Ode, kaj hin pisimen e posledno voľa, pes mušinel te dokazinel, hoj imar muľa oda, ko la pisinďa. 17 Bo e posledno voľa hiňi platno až akor, sar merel oda, ko la pisinďa. 18 Vašoda aňi e ešebno zmluva na sas kerďi bi o rat. 19 Sar o Mojžiš diňa te džanel savore manušenge savore prikazaňja pal o zakonos, iľa o rat le capengro the le bikengro a mišinďa les le paňeha, paľis iľa e ľoľi vlna the o konaricis pal o izopos a pokropinďa o zvitkos the savore manušen 20 a phenďa: „Kada hin o rat la zmluvakro, savi o Del tumenge prikazinďa te doľikerel."