Matuš 18

O nekbareder andro ňeboskro kraľišagos

1 Andre odi ora avle o učeňika ko Ježiš a phende: „Ko hin bareder andro ňeboskro kraľišagos?"

2 O Ježiš peske vičinďa čhavores, ačhaďa les maškar lende 3 a phenďa: „Čačipen tumenge phenav, te tumen na visarena a na avena sar o čhavore, šoha na džana andro ňeboskro kraľišagos. 4 Ko pes pokorinela a ela sar kada čhavoro, oda hin nekbareder andro ňeboskro kraľišagos.