6 Tu, so sal leňivo, dža ko mravci,

dikh o dromora le mravcengre a sikľuv!

7 Kajte len nane vodcas abo veľiťeľis,

a ňiko pre lende na ačhel pre buči,

8 ňilaje peske skiden o chaben,

a sar hin e žatva, sthoven peske o maro.

9 Leňivcona, dži kana kames te pašľol?

Kana ušťeha andral o soviben?

10 Te tuke phenes: „Mek sikra mange sovav, mek sikra mange pašľuvav,

sikra mange prethovav o vasta a odpočovinav mange,"

11 akor jekhvareste pre tu avela o čoripen sar o zbujňikos

the e bokh sar o vizbrojimen murš.