1ታሪኬ ማጻፋ 6

ሌዌ ናይታ ዛርኬ

1 ሌዌ ናይቲ ጌርሾኔ፥ ቃኣቴኔ ሜራሬ።

2 ቃኣቴ ናይቲ

ኣሚራሜ፥ ዪጺሃሬ፥

ኬብሮኔኔ ኡዚኤሌ።

3 ኣሚራሜ ናይቲ ኣሮኔ፥

ሙሴኔ ማራሞ።

ኣሮኔ ኣቱማ ናይቲ

ናዳቤ፥ ኣቢሁ፥

ኤልኤዜሬኔ ኢታማሬ።

4 ኤልኤዜሬይ ፊኒሃሴ ዬሊዴስ፤

ፊኒሃሲ ኣቢሹኣ ዬሊዴስ፤

5 ኣቢሹኣይ ቡቃ ዬሊዴስ፤

ቡቃይ ኡዜ ዬሊዴስ፤

6 ኡዜይ ዛራሂያ ዬሊዴስ፤

ዛራሂያይ ማራዮቴ ዬሊዴስ፤

7 ማራዮቴይ ኣማሪያ ዬሊዴስ፤

ኣማሪያይ ኣሂጹቤ ዬሊዴስ፤

8 ኣሂጹቤይ ሳዶቄ ዬሊዴስ፤

ሳዶቄይ ኣኪማሴ ዬሊዴስ፤

9 ኣኪማሲ ኣዛሪያሴ ዬሊዴስ፤

ኣዛሪያሲ ዮሃናኔ ዬሊዴስ፤

10 ዮሃናኔይ ኣዛሪያሴ ዬሊዴስ፤

ኣዛሪያሲ ካዎ ሶሎሞኔይ

ዬሩሳላሜን ኬጺሲዳ

ጾሳ ኬን

ቄሴቴን ኦዴስ።

11 ኣዛሪያሲ ኣማሪያ ዬሊዴስ፤

ኣማሪያይ ኣሂጹቤ ዬሊዴስ፤

12 ኣሂጹቤይ ሳዶቄ ዬሊዴስ፤

ሳዶቄይ ሻሎሜ ዬሊዴስ፤

13 ሻሎሜይ ኪልቂያሳ ዬሊዴስ፤

ኪልቂያሲ ኣዛሪያሴ ዬሊዴስ፤

14 ኣዛሪያሲ ሳራያ ዬሊዴስ፤

ሳራያይ ኢዮሳዶቄ ዬሊዴስ።

15 ጎዳይ ዩሁዳ ኣሳኔ

ዬሩሳላሜ ኣሳ

ናቡካዳናጾሬን ዲኢሲዳ ዎዴ

ኢዮሳዶቄይካ ኢስታራ

ዲኤቲ ቢዴስ።

16 ሌዌ ኣቱማ ናይቲ ጌርሾኔ፥

ቃኣቴኔ ሜራሬ።

17 ጌርሾኔ ናይቲ

ሊቢናኔ ሺምኤ፤

18 ቃኣቴ ናይቲ

ኣሚራሜ፥ ዪጺሃሬ፥

ኬብሮኔኔ ኡዚኤሌ፤

19 ሜራሬ ናይቲ ማሂሌኔ ሙሼ፤ ባንታ ኣዋ ኬን ኬን ጻፌቲዳ ሌዌ ዛርኬቲ ሃይሳፌ ካሊ ዲዛይታ፤✝6፡16-19 ኬሳ 6፡16-19

20 ጌርሾኔ ዜሬታ፤

ጌርሾኔይ ሊቢና ዬሊዴስ፤

ሊቢናይ ያሃቴ ዬሊዴስ፤

ያሃቴይ ዚማ ዬሊዴስ፤

21 ዚማይ ዮኣሃ ዬሊዴስ፤

ዮኣሂ ኢዶ ዬሊዴስ፤

ኢዶይ ዛራሄ ዬሊዴስ፤

ዛራሄይ ዬኣቲሬ ዬሊዴስ፤

22 ቃኣቴ ዜሬታ፤

ቃኣቴይ ኣሚናዳቤ ዬሊዴስ፤

ኣሚናዳቤይ ቆሬ ዬሊዴስ፤

ቆሬይ ኣሲሬ ዬሊዴስ፤

23 ኣሲሬይ ሂልቃና ዬሊዴስ፤

ሂልቃናይ ኣቢያሳፌ ዬሊዴስ፤

ኣቢያሳፌይ ኣሲሬ ዬሊዴስ፤

24 ኣሲሬይ ታሃቴ ዬሊዴስ፤

ታሃቴይ ኡርኤሌ ዬሊዴስ፤

ኡርኤሌይ ኦዚያ ዬሊዴስ፤

ኦዚያይ ሳኦሌ ዬሊዴስ።

25 ሂልቃና ዜሬታ፤

ሂልቃናይ ኣማሳዬኔ

ኣሂሞቴ ዬሊዴስ፤

26 ኣሂሞቴይ ሂልቃና ዬሊዴስ፤

ሂልቃናይ ጾፋዬ ዬሊዴስ፤

ጾፋዬይ ናሃቴ ዬሊዴስ፤

27 ናሃቴይ ኤልያቤ ዬሊዴስ፤

ኤልያቤይ ዪሮሃሜ ዬሊዴስ፤

ዪሮሃሜይ ሂልቃና ዬሊዴስ።

28 ሳሜሊ ናምኡ

ኣቱማ ናይታ ዬሊዴስ፤

ባይራዚ ኢዩኤሌ፤

ኢዛ ካሎዚ ኣቢያ።

29 ሜራሬ ዜሬታ፤

ሜራሬይ ማሂሌ ዬሊዴስ፤

ማሂሌይ ሊቢና ዬሊዴስ፤

ሊቢናይ ሺምኤ ዬሊዴስ፤

ሺምኤይ ኡዛሄ ዬሊዴስ፤

30 ኡዛሄይ ሺምኣ ዬሊዴስ፤

ሺምኣይ ሃጊያ ዬሊዴስ፤

ሃጊያይ ኣሳያ ዬሊዴስ።

ጾሳ ኬን ዬጺዛይታ

31 ዳዊቲ ጫቆ ቃላ ታቦታ ዬሩሳላሜ ኤሂዳፔ ጉዬ ጎዳ ጾሳ ኬን ዬ ዬጺዛይታስ ሃላቃታ ሹሚዴስ። 32 ካዎ ሶሎሞኔይ ዬሩሳላሜን ጎዳ ጾሳ ኬ ኬጻናሼ ጋካናዉ ጋይቶቴ ዱንካኔ ፔንጌን ዬ ዬጺሼ ጋምኢዳ፤ ባስ ኢሜቲዳ ኦሶ ማራን ማራን ኦ ፖሊሼ ዴኢዳ።

33 ባንታ ናይታራ ኢሲፌ ዬጺዛይቲ ሃይሳፌ ካሊ ጻፌቲዳይታ፤

ቃኣቴ ዛርኬታፔ ዬጺዛይ ሄማኔ፤

ሄማኔይ ኢዩኤሌ ና፤

ኢዩኤሌይ ሳሜላ ና፤

34 ሳሜሊ ሂልቃና ና፤

ሂልቃናይ ዪሮሃሜ ና፤

ዪሮሃሜይ ኤልኤሌ ና፤

ኤልኤሌይ ቶሃ ና፤

35 ቶሂ ዙፌ ና፤

ዙፌይ ሂልቃና ና፤

ሂልቃናይ ማሃቴ ና፤

ማሃቲ ኣማሳዬ ና፤

36 ኣማሳዬይ ሂልቃና ና፤

ሂልቃናይ ኢዩኤሌ ና፤

ኢዩኤሌይ ኣዛሪያሴ ና፤

ኣዛሪያሲ ሶፎናሳ ና፤

37 ሶፎናሲ ታሃቴ ና፤

ታሃቴይ ኣሲሬ ና፤

ኣሲሬይ ኣቢያሳፌ ና፤

ኣቢያሳፊ ቆሬ ና፤

38 ቆሬይ ዪጺሃሬ ና፤

ዪጺሃሬይ ቃኣቴ ና፤

ቃኣቴይ ሌዌ ና፤

ሌዌይ ኢስራኤሌ ና።

39 ኤማኔ ዳቦ ኣሳፌይ ኢዛስ ኡሻቻ ባጋራ ኤቂዲ ኦስ፤

ኣሳፌይ ባራካዬ ና፤

ባራካዬይ ሺምኣ ና፤

40 ሺምኣይ ሚካኤሌ ና፤

ሚካኤሌይ ባኣሴያ ና፤

ባኣሴያይ ማልኪያ ና፤

41 ማልኪያይ ኤታኔ ና፤

ኤታኔይ ዛራሄ ና፤

ዛራሄይ ኣዳያ ና፤

42 ኣዳያይ ኤታኔ ና፤

ኤታኔይ ዚማ ና፤

ዚማይ ሺምኤ ና፤

43 ሺምኣይ ያሃቴ ና፤

ያሃቴይ ጌርሾሜ ና፤

ጌርሾሜይ ሌዌ ና።

44 ኢስታስ ሃዲርሳ ባጋራ ኢስታ ዳቦ ሜራሬ ዛርኬቲ ኤቄቴስ፤

ኤታኔይ ቂሻ ና፤

ቂሺ ኣቢዴ ና፤

ኣብዴይ ማሉኬ ና፤

45 ማሉኬይ ሃሻቢያ ና፤

ሃሻቢያይ ኣማሲያሳ ና፤

ኣማሲያሲ ኪልቂያሳ ና፤

46 ኪልቂያሲ ኣሞዜ ና፤

ኣሞዜይ ባኔ ና፤

ባኔይ ሼሜሬ ና፤

47 ሼሜሬይ ማሂሌ ና፤

ማሂሌይ ሙሼ ና፤

ሙሼይ ሜራሬ ና፤

ሜራሬይ ሌዌ ና።

48 ኢስታስ ኢሻንታ ጊዲዳ ሃንኮ ሌዌ ቆሞቲ ጾሳ ኬን ጋይቶቴ ዱንካኔን ኦሴቲዛ ሃራ ኦሶ ኡባስ ዶሬቲዳ።

ኣሮኔ ናይታ ዛርኬ

49 ኣሮኔይኔ ኢዛ ናይቲ ጊዲኮ ጾሳ ኣይሌ ሙሴይ ኣዛዚዳ ማላ ኢስራኤሌ ዴራ ናጋራ ዉርሳናስ ኡባፌ ዱማቲዳ ጊዶ ቆልኣን ኦሴቲዛ ኦሶታ ኡባስ፥ ያርሾ ያርሺዛሶዛ ቦላ ጹጌቲዛ ያርሾ ያርሻናሲኔ ኤጻኔ ጩዋሲ ያርሺዛሶዛ ቦላ ኤጻኔ ጩዋሳናስ ኢስታስ ኣዋቴ ኢሜቲዴስ። 50 ኣሮኔ ናይታ ዛርኬቲ ሃይሳፌ ካሊ ጻፌቲዳይታ፤

ኣሮኔ ናይ ኤልኤዜሬ፤

ኤልኤዜሬ ናይ ፊኒሃሴ፤

ፊኒሃሴ ናይ ኣቢሹኣ፤

51 ኣቢሹኣ ናይ ቡቃ፤

ቡቃ ናይ ኡዜ፤

ኡዜ ናይ ዛራሂያ፤

52 ዛራሂያ ናይ ማራዮቴ፤

ማራዮቴ ናይ ኣማሪያ፤

ኣማሪያ ናይ ኣሂጹቤ፤

53 ኣሂጹቤ ናይ ሳዶቄ፤

ሳዶቄ ናይ ኣኪማሴ።

ሌዌ ቆሞቲ ዳና ማላ ኢሜቲዳ ሶሆታ

54 ኣሮኔ ናይታስ ኢሜቲዳ ዱሳ ሶሆቲ ሃይሳፌ ካሊ ጻፌቲዳ፤ ኮይሮ ሳማይ ቃኣቴ ባጋታስ ኬዚዴስ፤ 55 ኢስታስ ዩሁዳ ቢታን ዲዛ ኬብሮኔኔ ኢዛ ሄራን ዲዛ ሜሄ ሄሚዛሶሆታ ኢሚዳ። 56 ኬብሮኔ ዩሾን ዲዛ ጎሻ ጋዴቲኔ ሞቲ ዮፊኔ ና ካሌቤስ ኢሜቲዳ። 57 ኣሮኔ ናይታስ ሼምፖ ዎዳዴይ ባቃቲ ቢዲ ኣቲዛ ካታማታ፥ ኬብሮኔ፥ ዬቲሬ፥ ሊቢናኔ ሜሄ ሄሚዛሶሆታ፥ ኤሽታሞኣኔ ሜሄ ሄሚዛሶሆታ፥ 58 ሂሌኔኔ ሜሄ ሄሚዛሶሆታ፥ ዳቢሬኔ ሜሄ ሄሚዛሶሆታ፥ 59 ኣሻኔኔ ሜሄ ሄሚዛሶሆታ፥ ቤቲ-ሼሚሼኔ ሜሄ ሄሚዛሶሆታ ኢሚዳ። 60 ቃሴ ቢኒያሜ ቆሞታ ጋዴፔ ጌባኔኔ ሜሄ ሄሚዛሶሆታ፥ ኣሌሜቴኔ ሜሄ ሄሚዛሶሆታ፥ ኣናቶቴኔ ሜሄ ሄሚዛሶሆታ ኢሚዳ፤ ኣሮኔ ናይታስ ኢሜቲዳ ካታማቲ ሙሌራ ታማኔ ሄ።

61 ኣርሼይ ዉሊዛ ባጋራ ዲዛ ሚናሴ ዛርኬ ባጋቲ ኦይኪዳ ጋዴዛፔ 10 ካታማቲ ሃንኮ ኣቲዳ ቃኣቴ ዛርኬታስ ኢሜቲዳ።

62 ዪሳኮሬ ዛርኬታ ቢታፌ፥ ኣሴሬ ዛርኬታ ቢታፌ፥ ኒፍታሌሜ ዛርኬታ ቢታፌኔ ባሳኔን ዲዛ ሚናሴ ዛርኬታ ቢታፌ 13 ካታማታ ጌርሾኔ ዛርኬታስ ኢሚዳ። 63 ኦሮቤሌ ዛርኬታ ቢታፌ፥ ጋዴ ዛርኬታ ቢታፌኔ ዛቢሎኔ ዛርኬታ ቢታፌ 12 ካታማታ ሜራሬ ዛርኬታስ ሳማን ኢሚዳ። 64 ሄሳ ኦዲ ኢስራኤሌ ኣሳይ ሌዌታስ ሃ ካታማታኔ ኢስታ ሄራን ዲዛ ሜሄ ሄንሶሆታ ኢሚዴስ። 65 ሃይሳፌ ቦላራ ሱንይ ኢስታስ ጼይጌቲዳ ካታማታ ዩሁዳ ዛርኬታፔ፥ ሲሞና ዛርኬታፔ፥ ቢኒያሜ ዛርኬታፔ ሃራ ካታማታን ኦይሳ ማላ ሳማ ዬጊዲ ኢስታ ጋኪዳይሳ ጊሻ ኢሚዳ።

66 ቃኣቴ ዛርኬታ ጊዶፌ ኢሲ ኬ ኣሳታስ ኤፍሬሜ ዛርኬታ ጋኪዳ ቢታፌ ካታማታኔ ሜሄ ሄሚዛሶሆ ኢሚዳ። 67 ኢስታስ ሼምፖ ዎዳዴይ ባቃቲ ቢዲ ኣቲዛ ካታማታ፥ ኤፍሬሜ ዴሬን ጌዜ ቢታን ዲዛ ሴኬሜኔ ሜሄ ሄሚዛሶሆታ፥ ጌዜሬኔ ሜሄ ሄሚዛሶሆታ፥ 68 ዮቂማኣሜኔ ሜሄ ሄሚዛሶሆታ፥ ቤቲ-ሆሮኔኔ ኢዛ ሜሄ ሄሚዛሶሆታ፥ 69 ኣያሎኔኔ ሜሄ ሄሚዛሶሆታ፥ ጌት-ኤርሞኔኔ ሜሄ ሄሚዛሶሆታ ኢሚዳ። 70 ሚናሴ ዛርኬታ ባጋፌ ኣኔሬኔ ሜሄ ሄሚዛሶሆታኔ ባላማኔ ሜሄ ሄሚዛሶሆታ ኤኪዲ ቃኣቴ ዛርኬታፔ ኣቲዳይታስ ኢሚዳ።

71 ሚናሴ ዛርኬታ ባጋፌ ባሳኔን ዲዛ ጎላኔኔ ሜሄ ሄሚዛሶሆታኔ ኣስታሮቴኔ ሜሄ ሄሚዛሶሆታ ኤኪዲ ጌርሾኔ ዛርኬታስ ኢሚዳ። 72 ቃሴ ዪሳኮሬ ዛርኬታፔ ቃዴሴኔ ሜሄ ሄሚዛሶሆታ፥ ዳቢራቴኔ ሜሄ ሄሚዛሶሆታ፥ 73 ኤራሞቴኔ ሜሄ ሄሚዛሶሆታኔ ኣኔማኔ ሜሄ ሄሚዛሶሆታ ኤኪዲ ኢስታስ ኢሚዳ። 74 ኣሴሬ ዛርኬታፔ ማሻላኔ ሜሄ ሄሚዛሶሆታ፥ ኣብዶኔኔ ሜሄ ሄሚዛሶሆታ፥ 75 ሁቆቄኔ ሜሄ ሄሚዛሶሆታኔ ኤራሆቤኔ ሜሄ ሄሚዛሶሆታ ኤኪዲ ኢስታስ ኢሚዳ። 76 ሄሳካ ኒፍታሌሜ ዛርኬታፔ ጋሊላን ዲዛ ቃዴሴኔ ሜሄ ሄሚዛሶሆታ፥ ሃሞኔኔ ሜሄ ሄሚዛሶሆታኔ ቂሪያታይሜኔ ሜሄ ሄሚዛሶሆታ ኤኪዲ ኢስታስ ኢሚዳ።

77 ኣቲዳ ሜራሬ ዛርኬታስ ዛቢሎኔ ዛርኬታፔ ኣርሞኔኔ ሜሄ ሄሚዛሶሆታኔ ታቦሬኔ ሜሄ ሄሚዛሶሆታ ኤኪዲ ኢሚዳ። 78 ቃሴ ኦሮቤሌ ዛርኬታፔ ኢያርኮ ጊናን፥ ዮርዳኖሴፔ ሄ ፒንን ኣርሼይ ዉሊዛ ባጋራ፥ ባዞን ዲዛ ባጺራኔ ሜሄ ሄሚዛሶሆታ፥ ያሃጼኔ ሜሄ ሄሚዛሶሆታ፥ 79 ቂዲሞቴኔ ሜሄ ሄሚዛሶሆታኔ ሜፋኣቴኔ ሜሄ ሄሚዛሶሆታ ኤኪዲ ኢስታስ ኢሚዳ። 80 ጋዴ ዛርኬታፔ ጋላኣዴን ዲዛ ኤራሞቴኔ ሜሄ ሄሚዛሶሆታ፥ ማሃናይሜኔ ሜሄ ሄሚዛሶሆታ፥ 81 ሃሴቦኔኔ ሜሄ ሄሚዛሶሆታኔ ኢያዜሬኔ ሜሄ ሄሚዛሶሆታ ኤኪዲ ኢስታስ ኢሚዳ።