1 ዮሃኒሳ ኪታ 1

ዴኦ ቃላ

1 ዴኦ ቃላ ጊሻስ ኮይሮፔ ዲዛይሳ ኑኒ ኑ ሃይን ሲዪዳይሳኔ ኑ ኣይፌራ ቤኢዳይሳ ሎኤ ጼሊዳይሳ፥ ኑ ኩሼራ ኦይኪ ቤኢዳይሳ ጊሻስ ሃሳዮስ።✝1፡1 ዮሃ 1፡1 2 ዴኦይካ ቆንጪዴስ፤ ኑኒካ ኑ ኣይፌራ ቤኢዲ ማርካቶስ። ኢዛስ ኢዛ ኣዋ ኣቻን ዲዛይሳኔ ኑስካ ቆንጪዳ ሜርና ዴኦ ጊሻስ ኑ ኢንቴስ ዮቶስ።✝1፡2 ዮሃ 1፡14 3 ኢንቴስካ ኑናራ ኢሲፌቴ ዳና ማላ ኑኒ ቤኢዳይሳኔ ሲዪዳይሳ ኢንቴስ ዮቶስ፤ ኑ ኢሲፌቴይካ ኣዋራኔ ኢዛ ና ዬሱስ ኪርስቶሳራ። 4 ኑ ኡፋይሳይ*1፡4 ኑ ኡፋይሳይ፡ ኑ ኡፋይሳይ ጊዛይሲ ኢሲ ኢሲ ቢርሼታን ኢንቴ ኡፋይሳይ ጌቴቲዴስ። ኩሜ ጊዳና ማላ ኑ ሃይሳ ኢንቴስ ጻፎስ።

ፖኦን ሲሜሬቴ

5 ኑ ኢዛፔ ሲዪዲ ኢንቴስ ዮቲዛ ኪታይ፥ «ጾሲ ፖኦ፤ ኢዛ ኣቻን ሙሌካ ማይ ዴና» ጊዛይሳ። 6 «ኑ ማን ሲሜሬቲሼ ኢዛራ ኑስ ኢሲፌቴ ዴስ» ጊኮ ዎርዶቶስ ኣቲን ቱማን ዶኮ። 7 ጊዶ ኣቲን ኢዚ ፖኦን ዲዛ ማላ ኑኒካ ፖኦን ሲሜሬቲኮ ኑ ጋርሳን ኑስ ኢሲፌቴ ዴስ፤ ኢዛ ና ዬሱስ ኪርስቶሳ ሱ ኑና ናጋራ ኡባፌ ጌሼስ።

8 ኑኒ ኑናን ናጋራይ ባ ጊኮ ኑርካ ኑና ባሌስ፤ ቱማይካ ኑናን ዴና። 9 ኑኒ ኑ ናጋራ ፓጺኮ ኢዚ ኑ ናጋራ ኣቶ ጋናሲኔ ኑ ቆሆፔ ኑና ዉርሲ ጌሻናስ ኢዚ ኣማኔቲዳዴኔ ጺሎ። 10 ኑኒ ናጋራ ኦቤኮ ጊኮ ኢዛ ኑ ዎርዳንቻ ኬሶሲኔ ኢዛ ቃላይካ ኑናን ዴና።