10 ሄ ጋላስ ዳዊቲ ሳኦሌፔ ባቃቲዲ ጌቴ ዴሬ ካዎ ኣንኩሴኮ ቢዴስ፤ 11 ኣንኩሴ ኦሳንቻቲ፥ «ሃይሲ ሄ ቢታይ ካዎ ዳዊቴ ጊዴኔ?
« ‹ሳኦሊ ሺ ዎዴስ፤
ዳዊቲ ጊዲኮ
ታሙ ሺ ዎዴስ›
ጊ ማጉሊሼ ኣሳይ ሳቢዳይሲ
ሃይሲ ኢዛ ጊዴኔ?» ጊዳ።21፡11 1ሳሜ 18፡7፤ 29፡5
12 ዳዊቲ ዮኦዛ ባ ዎዚናን ኦይኪዲ ጌቴ ካዎ ኣንኩሴስ ኬሂ ባቢዴስ።21፡12 ማዛ 56 13 ሄሳ ጊሻስ ኢስታ ሲንን ዎዚናይ ባቄቲዳ ኣሳ ማላ ጊዲዴስ፤ ኢስቲ ኢዛ ኦይኪዳ ማላ ካታማይ ፔንጌ ኢቢ ቃጬሬሼ ቡቻ ቦላራ ባ ሳሶ ጎጊሲሼ ጎሻ ኣሳ ማላ ጊዲዴስ።
14 ኣንኩሴይ ባ ኦሳንቻታ፥ «ሃይሳ ኣዴዛ ኣኔ ጼሊቴ፤ ኢዚ ጎሻኮ! ሂስቲን ኣይስ ታኮ ኤሂዴቲ?21፡14 ማዛ 34 15 ኢዚ ታ ኣቻን ጎያና ማላ ኢንቴ ታኮ ሃይሳ ኤሂዳይ ታስ ሃይሳ ማላ ጎሺ ይኔ? ሃይሳ ማላ ኣሲ ታ ኬ ጌላናስ ቤሲዜ?» ጊዴስ።
10 He gallas Dawiti Sa7ooleppe baqatidi Geete dere kawo Ankusekko bides; 11 Ankuse oosanchchati, «Hayssi he biittay kawo Dawite gidennee?
« ‹Sa7ooli shii wodhides;
Dawiti gidikko
tammu shii wodhides›
gi maggulishe asay sabbidayssi
hayssi iza gidennee?» gida.21:11 1Same 18:7; 29:5
12 Dawiti yo7oza ba wozinan oykkidi Geete kawo Ankuses keehi babbides.21:12 Maza 56 13 Hessa gishshas istta sinththan wozinay baqettida asa mala gidides; istti iza oykkida mala katamay penge ibith qaacereththishe buuchcha bollara ba saaso gogissishe gooshsha asa mala gidides.
14 Ankusey ba oosanchchata, «Hayssa addeza ane xeellite; Izi goshshako! Histtiin ays taakko ehidetii?21:14 Maza 34 15 Izi ta achchan gooyana mala intte taakko hayssa ehiday taas hayssa mala gooshshi dhaynee? Hayssa mala asi ta keeth gelanaas bessizee?» gides.
+581 estão orando agora.
Junte-se à corrente de oração.