Marcos 8

ዬሱሲ ቤቴሳይዳን ፓዳ ቆቄ ኣዴዛ

22 ሄሳፌ ጌዴ ቤቴሳይዳ ጌቴቲዛሶ ቢዳ፤ ጉ ኣሳቲካ ኣይፌ ቆቄ ኣስ ዬሱሳኮ ኤሂዲ ዬሱሲ ኢዛ ቦቻና ማላ ዎሲዳ። 23 ኢዚካ ሄ ቆቄዛ ኩሼ ኦይኪ ጎቺዲ ኣሲ ዲዛሶፔ ጌዴ ካሬ ኬሲዲ ኣዴዛ ኣይፌን ጩቲዲኔ ባ ኩሼ ኢዛ ቦላ ዎዲ፥ «ሃኢ ኔስ ኣዚ ቤቲዜ?» ጊ ኦይቺዴስ።

24 ኢዚካ ቁ ጊ ጼሊዲ፥ «ኣሳይ ሚ ሚሳቲዲ ቃጼቲሼ ቤቴስ» ጊዴስ።

25 ቃሴካ ዬሱሲ ባ ኩሼታ ኢዛ ኣይፌታ ቦላ ዎዴስ፤ ሄራካ ኢዛ ኣይፌቲ ጼሊዳ፤ ፖኦይካ ኢዛስ ሲሚን ዉርሲካ ጌሺ ጼሊዴስ። 26 ቃሴ፥ «ሃ ጉታታ ጊዶ ጌሎፓኔ ኦናስካ ዮቶፓ» ጊዲ ኢዛ ጌዴ ኢዛሶ ዬዲዴስ።*8፡26 ጊኢዜ ጫቆ ኦራ ማጻፋዚ 1,947 ማሮቴ ላይን ጻፌቲዳ ኣማራ ጌሻ ማጻፋዚኔ ኢሲ ኢሲ ቤኒ ጊሪኬ ቃላን ጻፌቲዳ ጌሻ ማጻፋቲ ሃይሳፌ ካሊዛ ቆፋ ጉጄቴስ፤ ሂስቲኮ ሃይሳ ኦናስካ ዮቶፓ።