1 ጊምባ ኦሶይ ኦሴቲ ጊጊዴስ፤ ፔንጌ ሳንቃቲ ባ ዲዛሶን ዲዛሶን ጌሊዳ፤ ጾሳ ኬ ናጊዛ ዛቤታስ፥ ዬ ዬጺዛይታሲኔ ሌዌ ባጋታስ ኢስታ ጊሻ ጊሻ ኦሶይ ኢሜቲዴስ። 2 ታኒካ ዬሩሳላሜ ካታማ ኣይሳና ማላ ታ ኢሻ ሃናኔኔ ሚጻ ናጊዛ ሃናኒያ ዶራ ዎዲስ፤ ጺሎቴኒኔ ጾሳስ ያሻቴን ሃናኒያይ ማላይ ዴና። 3 ታ ኢስታስ ዬሩሳላሜ ጊምቤ ፔንጌቲ ጻልቄይ ኬዛና ጋካናስ ዶዬቶንታ ማላኔ ኣርሼይ ዉሊዛ ዎዴ ዛቤቲ ባሶ ባናፔ ሲንን ጊምባ ፔንጌታ ሎኤ ጎርዳና ማላ ኣዛዛዲስ፤ ቃሴካ ዬሩሳላሜን ዲዛ ኣሳ ጊዶፌ ናጊዛ ዛቤታ ዴሬይ ዶሪዲ ዎና ማላ ኢስታፌ ባጋይታ ኢሲ ኢሲ ሄራስ ኣላፌ ኦ ዎና ማላኔ ሃንኮ ኣቲዳይታ ባንታ ኬ ካሬን ናጋና ማላ ዮታዲስ።
ዲኤቴፌ ሲሚዳ ኣሳታ ሱን
4 ዬሩሳላሜይ ኣሆኔ ጊታ ካታማ፤ ጊዶ ኣቲን ኢዚን ዲዛ ኣሳ ቆዳይ ጉ ጊዲዳ ጊሻስ ዳሮ ኬቲ ቡሮ ኬጼቲቤቴና። 5 ጾሳይ ዴሬዛ፥ ዴራ ኣይሲዛይታኔ ሹሜታ ታ ሺሻዳ ኢስታ ዬሌታ ዛርኬይ ዋኒ ዋኒ ጻፌቲዳኮ ታ ጼላና ማላ ታና ቆፍሲዴስ፤ ሄሳ ጊሻስ ካሴ ዲኤቴፌ ሲሚዳ ኣሳታ ማዝጋባ ዴማዲስ፤ ታ ዴሚዳ ማዝጋባይ ሃይሳፌ ካሊዛይሳ፤
6 ባቢሎኔ ካዎ ናቡካዳናጾሬይ ዲኢዲ ባ ዴሬ ኤፊዳ ኣሳታፔ ጉዬ ባ ካታማ ካታማ ዬሩሳላሜኔ ዩሁዳ ሲሚዳ ኣሳቲ ሃይሳፌ ካሊዛይታ፤ 7 ኢስቲ ሲሚሺን ኢስታ ካሌ ኤሂዳ ኣሳቲ ዜሩባቤሌ፥ ኢያሶ፥ ናሂሚያ፥ ኣዛሪያሳ፥ ኤራኢሜ፥ ናሆሜ፥ ማርዲኪዮሳ፥ ባልሻኔ፥ ሚሲፋሬ፥ ቢጉዋዬ፥ ኑሁሜኔ ባኣና።
8 ዲኤቴፌ ሲሚዳ ኢስራኤሌ ኣሳ ዛርኬፌ ጻፌቲዳ ዜሬታ ቆዳይ ሃይሳፌ ካሊዛይሳ፤ ፓሮሴ ዜሬፌ 2,172፤ 9 ሻፋጺያ ዜሬፌ 372፤ 10 ኣራሄ ዜሬፌ 652፤ 11 ኢያሶፔኔ ኢዮኣቤ ዜሬ ጊዲዳ ፓሃቴ-ሞኣቤ ዜሬቲ 2,818። 12 ኤላሜ ዜሬፌ 1,254፤ 13 ዛቶ ዜሬፌ 845፤ 14 ዛካዬ ዜሬፌ 760፤ 15 ቢኑዌ ዜሬፌ 648፤ 16 ቤባዬ ዜሬፌ 628፤ 17 ኣዝጋዴ ዜሬፌ 2,322፤ 18 ኣዶንቃሜ ዜሬፌ 667፤ 19 ቢጉዋዬ ዜሬፌ 2,067፤ 20 ኣዲኔ ዜሬፌ 655፤ 21 ሂዝቂያሳ ጌቴቲ ጼይጌቲዛ ኣጻሬ ዜሬፌ 98፤ 22 ሃሹሜ ዜሬፌ 328፤ 23 ቤሳዬ ዜሬፌ 324፤ 24 ሃርፔ ዜሬፌ 102፤ 25 ጌባኦኔ ዜሬፌ 95፤
26 ካሴ ኢስታ ኣዋቲ ሃይሳፌ ካሊዛ ካታማታን ዲዛይቲ ዲኤቴፌ ሲሚዳ፤ ቤቴሊሄሜፔኔ ናጾፌ ዴሬ ኣሳታፔ 188፤ 27 ኣናቶቴ ዴሬ ኣሳታፔ 128፤ 28 ቤቲ-ኣዚሞቴ ዴሬ ኣሳታፔ 42፤ 29 ቂሪያቴ-ዪኣሪሜ፥ ካፊሬኔ ቢኤሮቴ ዴሬ ኣሳታፔ 743 30 ኤራማፔኔ ጌባ ዴሬ ኣሳታፔ 621፤ 31 ማኪማሴ ዴሬ ኣሳታፔ 122፤ 32 ቤቴሌፔኔ ኣዬ ዴሬ ኣሳታፔ 123፤ 33 ኔቦ ጌቴቲዛ ናምኣን ዴሬን ዲዛ ኣሳታፔ 52፤ 34 ኤላሜ ጌቴቲዛ ናምኣን ዴሬን ዲዛ ኣሳታፔ 1,254፥ 35 ሃሪሜ ዴሬ ኣሳታፔ 320፤ 36 ኢያርኮ ዴሬ ኣሳታፔ 345፤ 37 ሎዳ፥ ሃዲዴኒኔ ኦኖ ዴሬ ኣሳታፔ 721፤ 38 ሳናኣ ዴሬ ኣሳታፔ 3,930።
39 ዲኤቴፌ ሲሚዳ ቄሴታ ዜሬቲ ሃይሳፌ ካሊ ዲዛይታ፤ ኢያሶ ዜሬ ጊዲዳ ያዳያ ዜሬፌ 973፥ 40 ኢሜሬ ዜሬፌ 1,052፥ 41 ፓሽኩሬ ዜሬፌ 1,247፥ 42 ሃሪሜ ዜሬፌ 1,017።
43 ዲኤቴፌ ሲሚዳ ሌዌ ዜሬቲ ሃይሳፌ ካሊ ዲዛይታ፤ ሆዳዬ ዜሬ ጊዲዳ ኢያሶፔኔ ቃዲምኤሌ ዜሬፌ 704። 44 ዲኤቴፌ ሲሚዳ ዬ ዬጺዛይቲ ሃይሳፌ ካሊ ዲዛይታ፤ ኣሳፌ ዜሬታፔ 148። 45 ዲኤቴፌ ሲሚዳ ጾሳ ኬ ፔንጌ ናጊዛ ዛቤታ ዜሬቲ ሃይሳፌ ካሊ ዲዛይታ፤ ጻልሞኔ፥ ኣጻሬ፥ ሻሎሜ፥ ኣቁቤ፥ ሃጺጼኔ ሾባዬ ዜሬታፔ 138።
46 ዲኤቴፌ ሲሚዳ ጾሳ ኬ ኦሳንቻታ ዜሬቲ ሃይሳፌ ካሊ ዲዛይታ፤ ጺሃ፥ ሃሱጳ፥ ጻባኦቴ፥ 47 ቂሮሴ፥ ሲኣ፥ ፓዶኔ፥ 48 ሌባና፥ ሃጋቤ፥ ሻሚላዬ፥ 49 ሃናኔ፥ ጊዴሌ፥ ጋሃሬ፥ 50 ኤራኣዬ፥ ኤራሶኔ፥ ኔቆዳ፥ 51 ጋዛሜ፥ ኦዛ፥ ፋሳሄ፥ 52 ቤሳዬ፥ ማኡኔ፥ ናፋሺሲሜ፥ 53 ባቂቡቄ፥ ሃቁፋ፥ ሃሪሁሬ፥ 54 ባጺልቴ፥ ማሂዳ፥ ሃርሻ፥ 55 ባርቆሳ፥ ሲሳራ፥ ቴማሄ፥ 56 ኔጺሃ፥ ሃጺፋ።
57 ዲኤቴፌ ሲሚዳ ሶሎሞኔ ኦሳንቻታ ዜሬቲ ሃይሳፌ ካሊ ዲዛይታ፤ ሶጻዬ፥ ሶፌሬቴ፥ ፔሪዳ፥ 58 ያኢላ፥ ዳርቆኔ፥ ጊዴሌ፥ 59 ሻፋጺያ፥ ሃጺላ፥ ፖኬሬቴ-ሃጼባሜኔ ኣሞኔ።
60 ዲኤቴፌ ሲሚዳ ጾሳ ኬ ኦሳንቻታ ቆዳይኔ ሶሎሞኔ ኦሳንቻታ ቆዳይ ኢሲ ቦላ 392። 61,62 ቴሊ-ሜላ፥ ቴሊ-ሃርሻ፥ ኪሩቤ፥ ኣዶኔኔ ኢሜሬ ጌቴቲዛ ጋጻሬ ካታማታፔ ሲሚዳይቲ ዳላያ፥ ጾቢያኔ ኔቆዳ ዜሬታ ቆዳይ ኢሲ ቦላ 642፤ ጊዶ ኣቲን ሄይቲ ኡባይ ኢስራኤሌ ዜሬ ጊዲዳይሳ ኤሪሳናስ ዳንዳይዛ ሚሺ ዴና።
63,64 ሃይሳፌ ካሊ ዲዛ ቄሴታ ዜሬቲ ካሴ ባ ኣዋታ ዜሬ ዛርኬ ሻኪ ኤሪሳናስ ዳንዳይቤቴና፤ ኢስቲካ ሃባዬ፥ ሃቆጼ፥ ባርዚሌ፤ ቄሴታ ባጋ ጊዲዳ ባርዚሌዬስ ካሴ ኣዋይ ጋላኣዴ ዴሬን ዬሌቲዳ ባርዚሌ ዜሬፌ ኢሲ ማጫሳዮ ኤኪዳ ጊሻስ ባ ማቼይ ኣዋ ቆሞ ሱንን ጼይጌታና ዳንዳይዴስ። ካሴ ባ ኣዋታ ዬሌታ ዛርኬ ሻኪ ኤሪሳናስ ዳንዳዮንታ ኣጊዳ ጊሻስ ጌዮንታ ኣሳ ማላ ቆዴቲዲ ቄሴቴን ኦናስ ዳንዳይቤቴና። 65 ሄሳ ጊሻስ ዩሁዳ ዴሬ ኣይሲዛዴይ ኡሪሜኒኔ ቱሚሜን7፡65 ኡሪሜይኔ ቱሚሜይ ቄሴታ ማይኦስ ሲን ባጋራ ቲራ ኪሴን ኡቲዲ ኢስቲ ጾሳ ሼኔ ሻኪ ኤራና ማላ ማዲዛ ሚሻታ። ጾሳስ ኦዛ ቄሴይ ዴንዳና ጋካናስ ጾሳስ ሺቂዛ ያርሾፌ፥ ካፌ ኦኒካ ማናስ ዳንዳዮንታይሳ ኢስታስ ዮቲዴስ።7፡65 ኬሳ 28፡30፤ ዛሬ 33፡8 66 ዲኤቴፌ ሲሚዳ ኣሳ ኩሜ ቆዳይ ኢሲ ቦላ 42,360 67 ቃሴካ ኢስታ ኦሳንቻታ፥ ማጫሳታኔ ኣቱማሳታ ቆዳይ 7,337 ቃሴ ማዛሙሬ ዬጺዛ ማጫሳቲኔ ኣቱማሳታ ቆዳይ ኢሲ ቦላ 245 68 ፓራቲ 736፥ ባቁሎቲ 245 69 ጋሜላቲ 435፥ ሃሬቲ 6,720።
70 ኢሲ ኢሲ ኬ ኣዋቲ ጾሳ ኬ ኦሶስ ኢሞታ ሺሺዳ፤ ኢስታ ጊዶፌ ዴሬዛ ኣይሲዛይሲ ጌዳራን 8 ኪሎኔ ባጋ ጊዲዛ ዎርቃ፥ 50 ጉቃ ሳኔ፥ 530 ቄሴታ ማይኦ ኢሚዴስ። 71 ኬ ኣዋቲካ ጌዳራን 168 ኪሎ ጊዲዛ ዎርቃኔ 1,250 ኪሎ ጊዲዛ ቢራ ኢሚዳ። 72 ኣቲዳ ኣሳቲ 168 ኪሎ ጊዲዛ ዎርቃ 1,100 ኪሎ ጊዲዛ ቢራኔ 67 ቄሴታ ማይኦታካ ኢሚዳ። 73 ቄሴቲ፥ ሌዌቲ፥ ጾሳ ኬ ጊቤ ናጊዛ ዛቤቲ፥ ዬ ዬጺዛይቲ ዴራፔ ዳሪዛ ባጋይኔ ጾሳ ኬን ኦዛይቲ ኡባይ ኢሲ ቦላ ኢስራኤሌ ዴሬ ኣሳይ ባ ካታማን ካታማን ጌሊ ዴኢዴስ።7፡73 1ታሪ 9፡2፤ ናሂ 11፡3