Lucas 14

O Yesus wopopanyake moi wisiloha

1 O wange moiku, o Sabat ma wange, de o Yesus wotagi wooḋo o Farisi ma nyawa manga roriri moi awi tahuka. Kagena iwinanano gena isidodiahi la Awi sala yasari. 2 De imatodoka kagena o nyawa moi wahino awi gia de lo awi ḋohu iḋobo sababu wipusu. 3 So kagenadahu o bi guru agama de lo o bi Farisika ma nyawa, ona magenaka o Yesus wasano wotemo, <<Idodooha. O Sabat ma wangeka ka ḋaloha nako o nyawa yasisiri pasiloha, eko hiwa.>>

4 Duma ona magegena imapopongoka. Kagena de wopopanyake magena Una wicoho de wisiloha, ḋabolo de wisulo una wotagi woliho.