Lukas 7

Mobabalo ami gohiduuru wososone de o Yesus wisioho

11 Itekawa, de o Yesus wotagi o doku o Nainka, de lo Awi muri-muri de o nyawa yadadala ipolu-polu itagi imakangaho dede Una. 12 Kagena o doku ma ngora he idumu, de imakamake de o nyawa yadadala, ena momongo wososone iwitota la wipoosu. Wososone una magena mobabalo moi ma ngopa ka womatetengo, so yadadala imimote o pandangaku wisitide de wisisupu yodupa iwipoosu. 13 Kagena de o Jou Yesus ma awa womikelelo so Awi galusiri ibao mobabaloka, de wotemo, <<Kodo! Ai awa, upa noari bai!>>

14 So Una ka wogila-gila wososone awi pandangaka wapaḋa, so o nyawa yomomoku magegena imatogu kasi. De Una o gohiduuru magenaka wotemo, <<He! Ngohi tonisulo nomomi!>> 15 So wososone gila-gila womomi so womatamiye de wobicara. De o Yesus wosisaraha o gohiduuru magena ma awaka.

16 Kagena de o nyawa yangodu yohairani so iwisigiliri o Gikimoi, de yotemo, <<Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.>> 17 La o habari ma ngale o Yesus magegena yaado sidago o Yudea ma daeraka de ma bi doku-doku ma sigilolika.