Kiristoosike Ulfinnixxeenna Raaginke Hiyyichchixxee
16 Gootta no’oke Yessuusi Kiristoosixxe hunnanninna isixxe langaxxe dagaxxee ha’no’ni kulennexxe qixxe’ni isika ulfinna ille no’oxxen uundeette malee manjiinke beekkuminni dadendeexxa manjiinxa xingo hordonfeetebaan. 17 Tenneexxi buuttonna, «Isike gaachchanniki ulfinni ani eeyyaank anki belti konneten» hiyyaak hafuuri isi’a dagee wodda Mageno Annakenaa’ni gaachchannakanna ulfinna adhdhe’een. 18 No’onna isinni welti woyyitte kooba’ni he’nenna wodda kunni hafuuri iimi’ni dagaa wodda lanqeennaxxeeten.