Dullate Hedhonna Haarooxxa Hedho
5 Tennexxee ha’noo’ni afeendaaxxa buttixxe hedhoxxa halcha duuchcha shiwwe! Tinni halchaaranna Yabaabulle, batto’a, qii’misa, fuggoxxa halchanna, dharichcha magenuwwa magenoonfata kaddeexxe illimoollummaaran. 6 Iitta hexxeexxe yaannuwwanaa’ni kexxeexxa Mageniinxi mufe ajajemabaake manna’ni daggaan. 7 Ha’noonna ha’nooke umininni konneechchi edi darre iitta hexxeexxe yaannuwwa giddo hexxinemman.
8 Ta’a kinni ha’no mufe, hifo, shokko, summa balleessanna shookishaaka haaso’a ha’nooke afo’onaa’ni fuggusse’e! 9 Dullatte manjunte isixxe hujenninni fulchexxineexxi hundineemmaxxee’e weli’anni weli dhara haasottinoqqe’e!