Kulakɛlɛmai 19

Pilɛ sɔlɔɔ guyei

1 Naa ʋoluma, gè woo wolai mɛnini geeɠɔlɔgi zu, eɠɛ bɛbɛ wolai wooi, é ɗa ɠɛ ma:

«Aleluya!

Kizogi, ta lɛbiyai, ta zɛbɛi ta ga ada-ƓALAGI nɔnɔ!

2 Tɔɔzei ná-tukpɔɠaaleʋeaiti ta ga gaamai, ti zɔlegɛ.

É koloɠolo anzanu wolai ʋeelala,

nii é ɠɛa eteai ɠoloɠolosu ga ná-koloɠologi.

GALA ná-botiɠɛ nuiti é ti ʋaani,

é ti-ma ɲamai ʋotokula ma.»

3 Ti ɠɛni ma mɔnɔ:

«Aleluya!

Taa wolai ɠala luului ɗa lɛ eyɛsu ɠɔ!»