Kɛɛwotiiti 8

32 Ʋɛ é ɠɛni ná ɠalasu, é zɛʋɛni ná ga:

«É la ɠɛni woo ɲɛ gila kpalaa boni,

eɠɛ baalagi ti liizu la paazuʋɛ,

eɠɛ baala ziʋoi é loni maaleɠa leʋe nui ɠakala.

33 Ná-ɓɔɠɔmaayeii zu, ti ná-tukpɔi ɠaaleʋeni ga telebotalai,

ɓɛ ɠa a kɛɛɠalazuʋɛti dɛɛ?

Mazɔlɔɔ zɛnvui ɠulani zea.»*8:32-33 Eza 53:7-8 bogɛ é zoloo Gɛlɛke woo zɛʋɛ wɔlɔmai ma.

34 Etiyopi zunui Filipe ɠaazaɠani, é ɠɛ ma: «Nà è maanɛɛnɛzu, ɓɛ ɠa GALA goo wo nui vaazu ma? Tɔ ɓɔɠɔi ʋe, ɓaa nu ɠili be?» 35 Filipe kpɔɛi zeɠeni naazu, é tɔɔzei naama zɛʋɛi zu wooi ma, é Yesu ná-Woo Niinɛ Ʋagɔi laazeeli ma.