Hebreus 1

GALA kulaʋɛ kɛlɛma ade ʋɛ ga ná-Doun Zunui maaʋele

1 Mɔungi zu, GALA ge ɓɔɛni ade-mɛmɛwolani pɔ, ná zeizu mɔin, ta kɛʋele mɔinmɔin su, ga GALA goo wo nuiti maaʋele. 2 Kɛlɛ niima voloiti su, ti ga yeeɠɛɠala ɠaaɓelagiti, é woo ʋua ná-Doun Zunui la, naa ɓɔɛ la ade ʋɔ. Tɔ ɠa é yiimazeɠea la ga é anii pɛ pu zeezu. Tɔ ɠa é eteai ɓɛtɛni ga tɔun maaʋele. 3 Doun Zunui tɔna ka é ga GALA ná-lɛbiyai ma voloi, é ga GALA ɓɔɠɔi ʋaaɠulabai. Tɔ ɠa é kpɛtɛanii pɛ suzosu ga daawooi ná-zɛbɛi. Kpegai ma ga kotoiti gba vai ɠɛ, é zeini geeɠɔlɔgi zu maazuʋɛ poun, GALA Maayikiai yeezazuʋɛ.